சொ ல்லவிலைச் செல்வனெனச்
சொல்லறியாச் செல்வனிவன்
சொல்லதனைச் சொல்வதில்லை இன்று
செல்வரெனச் சொல்வதெலாம்
செல்தனத்தைக் கொண்டவரோ
செல்லும் வரும் நிற்பதில்லை யொன்று
செல்வனெனச் சொல்லுதலைச்
செல்லாதென் றாக்கியும் நாள்
சொல்லின்பல சென்றுவிட்ட திங்கு
சொல்லை விலை கொண்டதெனச்
சொல்லுகிறார் சொல்வதனால்
சொல்வதில்லைச் சொல்லதல்ல தின்று
செல்லும்வரும் செல்வமது
செல்வந்தரென் றாக்கிடினும்
செல்வர்களாம் வந்தவழி கண்டு
சொல்வருள்ளே சொல்லுவதில்
வல்லவரென் றாகிவிடில்
சொல்லினுக்கே சொல்லுமர்த்தம் வேறு
சொல்லுலகும் சொல்லிமகிழ்ந்
தள்ளுசுவை கொள்வதெனச்
சொல்லின்வகை இன்தமிழி லுண்டு
செல்வதினி இல்லையெனச்
சொல்லுறுதி கொண்டவனாம்
சொல்லுடையாச் சொல்லுடைத்தேன் இன்று
No comments:
Post a Comment